නීරෝගි සමක් සඳහා මී පැණි භාවිතා කළ හැකි ක්‍රම 8ක්
සොබාදහමේ අපූරු දායාදයක් වන මී පැණි ලොව ඇති සෞඛ්‍යදායකම ආහාරයන්ගෙන් එකක් විදියට පිළිගැනෙන දෙයක් කිව්වොත් නිවැරදිය.ඇත්ත වශයෙන්ම මී පැණි ආහාරයට ගැනීමට බාල ,මහළු අප කොයි කවුරුත් වැඩි ප්‍රියතාවයක් දක්වනු ලබයි.එසේම ඒවා ආහාරයට ගැනීමෙන් අපට ලැබෙන ප්‍රතිලාභ ද රැසකි.
මී මැස්සන් විසින් මල් පැණි වල රොන් වලින් නිෂ්පාදනය කරන මෙම මී පැණි වල අත්‍යවශ්‍ය විටමින්, රයිබෝෆ්ලේවින්,යකඩ,සින්ක්,විටමින් B 6 සහ තන්තු වැනි ඛනිජ රැසක් අඩංගු වේ. එම නිසාම මී පැණි භාවිතයෙන් මිනිසාගේ සෞඛ්‍යයේ යහපැවැත්මට ප්‍රයෝජන රැසක් ලැබේ.
එම නිසාම ඈත අතීතයේ සිටම මී පැණි අපේ ජීවන රටාවේ අනිවාර්ය අංගයක් වී තිබේ. අතීතයේ සිටම ආහාර රසගන්වනයක්, කල්තබාගන්නා ද්‍රව්‍යයක් සහ ඖෂධයක් ලෙස මී පැණි භාවිතා කරනු ලබයි. ඊට අමතරව අතීතයේ සිටම විවිධ රූපලාවන්‍ය භවිතයන් උදෙසා ද මී පැණි යොදා ගනු ලබයි.ඇත්ත වශයෙන්ම එය ඔබට නිරෝගී, තරුණ පෙනුමක් සහ පැහැපත් සමක් ලබා දීම සඳහා උපකාරී වේ.ඉතින් අද අපි ඔබට කියන්නේ නීරෝගී, පැහැපත් පෙනුමක් ලබා ගැනීමට මී පැණි භාවිතා කළ හැකි ආකාර කිහිපයක් පිළිබඳවයි.
1. ඔබේ සම තෙතමනය කිරීමට මී පැණි සහාය වේ.බොහෝ රූපලාවන්‍ය නිෂ්පාදනය සඳහා පාහේ මී පැණි මූලික අමුද්‍රව්‍යයක් ලෙස යොදා ගැනීමට හේතුව එයයි.මීපැණි වල අඩංගු එන්සයිම ඔබේ සම දිගු වේලාවක් සජලීයව තබා ගනී.
මේ සඳහා මී පැණි හැන්දක් පමණ ගෙන ඔබේ සමේ ආලේප කර විනාඩි 15-20 ක් තබන්න.දැන් එය සිසිල් ජලයෙන් සෝදා හරින්න. එය පරිපූර්ණ මොයිස්චරයිසින් ආවරණයක් ලෙස ක්‍රියා කරනු ඇත.
2. මී පැණි ඔබේ සමේ ඇති සිදුරු පිරිසිදු කිරීමට සහ කළු ලප ඉවත් කිරීමට සහාය වේ. මීපැණි වල ප්‍රතිඔක්සිකාරක, විෂබීජ නාශක සහ ප්‍රතිබැක්ටීරීය ගුණ ඇති බැවින් එය සිදුරු වල ඇති කුණු ඉවත් කර ඔබේ සමෙහි කළු ලප ඉවත් කිරීමට කටයුතු කරනු ලබයි.
මේ සඳහා ජොජෝබා තෙල් හෝ පොල්තෙල් තේ හැදි දෙකක් සමඟ මීපැණි තේ හැන්දක් මිශ්‍ර කරන්න.දැන් ඔබේ සම හොඳින් පිරිසිදු කර මෙම මිශ්‍රනය ආලේප කරන්න.(ඇස් ප්‍රදේශයේ ගැල්වීමෙන් වළකින්න).දැන් ටික වේලාවක් මෘදු ලෙස සම්බාහනය කර සීතල වතුරෙන් සෝදා හරින්න.
3. මී පැණි ඔබේ මුහුණේ සහ සමේ මැරුණු සෛල ඉවත් කිරීමට සහාය වේ.මේ සඳහා බේකින් සෝඩා තේ හැන්දකට මී පැණි තේ හැදි දෙකක් මිශ්‍ර කරන්න.දැන් ඔබේ මුහුණ හොඳින් පිරිසිදු කර ගෙන එම මිශ්‍රණය ඔබේ මුහුණේ සහ ශරීරයේ රවුම් චලිතයකින් මෘදු ලෙස අතුල්ලන්න.ඉන්පසු හොඳින් සෝදා හරින්න.
4. මී පැණි ස්වාභාවික මොයිස්චරයිසර් මෙන්ම ස්වාභාවික විෂබීජ නාශකයක් ද වේ. මෙය ඔබේ සම මෘදු හා සෞඛ්‍ය සම්පන්නව තබා ගන්නවා පමණක් නොව,ඔබේ මුහුණේ ඇති කැළල් ද සුව කරයි. එසේම එය දැවිල්ල අවම කරන අතර සම වේගයෙන් සුව කිරීමට උපකාරී වේ. ඊට අමතරව මී පැණිවල අඩංගු ප්‍රතිඔක්සිකාරක මඟින් හානියට පත් වූ සම යථා තත්වයට පත් කිරීමට උපකාරී වේ.
ඉතින් ඔබේ මුහුණේ ඇති කැළල් සුව කර ගැනීම සඳහා මෙම පිලියම භාවිතා කරන්න. මී පැණි තේ හැන්දක් , පොල් තෙල් හෝ ඔලිව් තෙල් තේ හැන්දක් සමඟ මිශ්‍ර කරන්න. බලපෑමට ලක් වූ ප්‍රදේශයට ආලේප කරන්න. ඉන් පසු ඔබේ ඇඟිලි තුඩු වලින් චක්‍රලේඛ චලනයකින් මිනිත්තු එකක් හෝ දෙකක් සම්බාහනය කරන්න.දිනපතා නැවත මෙම පිලීයම කරන්න.කැළල් සුව කර ගැනීම සඳහා මී පැණි තේ හැන්දක් , පොල් තෙල් හෝ ඔලිව් තෙල් තේ හැන්දක් සමඟ මිශ්‍ර කරන්න. බලපෑමට ලක් වූ ප්‍රදේශයට ආලේප කරන්න. ඉන් පසු ඔබේ ඇඟිලි තුඩු වලින් චක්‍රලේඛ චලනයකින් මිනිත්තු එකක් හෝ දෙකක් සම්බාහනය කරන්න.දිනපතා නැවත මෙම පිළියම කරන්න.
5. මී පැණි යනු පිළිස්සුම් වලට ප්‍රතිකාර කිරීම සඳහා ඇති හොඳම ස්වාභාවික පිළියමකි.එය ඕනෑම දැවිල්ලක් අඩු කර සුව කිරීම ප්‍රවර්‍ධනය කරන අතර හානියට පත් වූ පටක වලට පෝෂණය ලබා දේ.
මේ සඳහා පිරිසිදු කෝමාරිකා ජෙල් සමඟ මී පැණි තේ හැන්දක් මිශ්‍ර කරන්න. දැන් එම මිශ්‍රණය පාරජම්බූල කිරණ හේතු කර ගෙන පිළිස්සුණු සමට මෘදු ලෙස ආලේප කරන්න.ඉක්මනින් සාර්ථක ප්‍රතිඵල ලබා ගැනීමට ඔබට හැකි වනු ඇත.
6. මී පැණි වල අඩංගු ස්වාභාවික ප්‍රතිඔක්සිකාරක මඟින් මුහුණේ ඇති රැලි වැටීම් සහ සිහින් රේඛා පාලනය කරයි.මේ සඳහා මී පැණි ස්වල්පයක් ඔබේ මුහුණේ ආලේප කිරීමට කටයුතු කරන්න.එසේම එය ඔබේ සමේ නම්‍යතාවය වැඩි කිරීමට උපකාරී වන අතර එමඟින් එය තරුණ හා දිදුළන පෙනුමක් ලබා දේ.
7. මී පැණි භාවිතයෙන් ඔබේ සම පැහැපත් කර ගැනීමේ හැකියාව ද පවතී. ඒ සඳහා ඔබට මී පැණි කිරි හෝ යෝගට් සමඟ මිශ්‍ර කර ආලේප කළ හැකිය.එමඟින් ඔබට දිදුලන සමක් ලබා ගත හැකිය.
8. එසේම මී පැණි තේ හැන්දකට එක් තක්කාලි ගෙඩියක යුෂ මිශ්‍ර කර ආලේප කිරීමෙන් සම පැහැපත් වී ලප කැලැල් ඉවත් වනු ඇත.මේ සඳහා මිශ්‍රණය ඔබේ මුහුණේ ආලේප කර විනාඩි 15 ක් පමණ තිබෙන්නට හැර ජලයෙන් සෝදා හැරීමෙන් අපේක්ෂිත ප්‍රතිඵල ලබා ගත හැකිය.
මී පැණි භාවිතයෙන් නීරෝගී, සෞඛ්‍ය සම්පන්න සමක් ඔබට ලබා ගත හැකිය.නමුත් ඵලදායි ප්‍රතිඵල ලබා ගැනීම සඳහා උසස් තත්වයේ නිවැරදි මී පැණි භාවිතා කිරීමට කටයුතු කළ යුතුය.එසේම යම්කිසි ආසාත්මිකතාවයක් ඇති වුවහොත් භාවිතය වහාම නතර කරන්න.
Rate This Article
Thanks for reading: මී පැණි වලින් සම පැහැපත් කරගමු, Stay tune to get latest Blogging Tips.